YANGA YAENDELEZA WIMBI LA USHINDI LİGİ KUU

MABINGWA watetezi, Yanga SC wameendeleza rekodi ya ushindi wa mechi zote tangu kuanza kwa msimu wa Ligi Kuu ya NBC Tanzania Bara baada ya leo kuichapa JKT Tanzania mabao 2-0 Uwanja wa Azam Complex, Chamazi Jijini Dar es Salaam.
Mabao ya Yanga Leo yamefungwa na viungo wanyumbulifu, Muivory Coast Peodoh Pacôme Zouzoua dakika ya 23 na Mzambia, Clatous Chita Chama dakika ya 44.
JKT Tanzania ilimaliza pungufu baada ya kipa wake, Dennis Richard kutolewa kwa kadi nyekundu dakika ya 39 kufuatia kudakia nje ya eneo lake shuti la Pacome.
Kwa ushindi huo, Yanga inafikisha pointi 18 katika mchezo wa sita na kurejea nafasi ya pili, nyuma ya Singida Black Stars yenye pointi 19 za mechi saba.
Kwa upande wao, JKT Tanzania baada ya kichapo cha leo inabaki na pointi zake 10 za mechi nane sasa nafasi ya saba.

Tuesday, October 22, 2024