CAF YATANGAZA MAGEUZI MAKUBWA YA KIUCHUMI NA MKAKATI ZAIDI WA MAENDLEO

HASARA ndani ya Shirikisho la Soka Afrika (CAF) imepungua kutoka Dola za Kimarekani Milioni 28.9 hadi Dola Milioni 9.2 kwa mwaka wa fedha wa 2022-2023.
Hayo yamo katika Ripoti ya Ukagudhi wa Fedha ya mwaka 2022-2023 iliyosomwa leo katika Mkutano wa 46 wa Kawaida wa Mwaka wa CAF ulioongozwa na Rais wa shirikisho hilo, Dk Patrice Motsepe Jijini Addis Ababa, Ethiopia.
Mwaka mmoja kabla, hasara ya CAF ilikuwa Dola Milioni 45 na mafanikio haya mazuri yanachangiwa kwa kiasi kikubwa na mageuzi ya kimkakati yaliyotekelezwa na usimamizi wa CAF kuanzia mwaka 2021.
Aidha, CAF inajivunia faida ya Dola za Kimarekani Milioni 11.7 kwa mara ya kwanza baada ya muda mrefu katika Bajeti ya 2024-2025.
Pato la CAF limeongezeka chini ya Dk Patrice Motsepe kupitia vyanzo mbalimbali ikiwemo Haki za Matangazo ya Televisheni na udhamini na kuliwezesha shirikisho hilo kutumia fedha nyingi zaidi kutoa Misaada ya Kifedha kwa Vyama na Mashirikisho wanachama wake sambamba na kutekeleza vyema Programu za Maendeleo ya Kandanda barani, kuanzia ngazi ya mashindano ya Shule, Mafunzo kwa Marefa na Maafisa mbalimbali wa kusimamia Mechi na utayarishaji wa matangazo ya Televiseni.
Katika Mkutano Mkuu wa 46 wa CAF, Rais wa CAF, Dk Patrice Motsepe amethibitisha ongezeko la Asilimia la Msaada wa Kifedha wa kila mwaka kwa Vyama na Mashirikisho Wanachama wake hadi dola 400,000 kutoka Dola 200,000 kwa mwaka tangu mwaka 2021.
Uamuzi wa kutenga sehemu kubwa ya matumizi, asilimia 84 kwa Maendeleo ya Soka ya Afrika, ni hatua ya kimkakati ambayo inasisitiza dhamira ya CAF katika kukuza mfumo wa ikolojia wa kandanda.
Pesa za zawadi na Usaidizi wa Chama cha Waandaji dola milioni 56: Hii inawakilisha sehemu kubwa zaidi ya matumizi, ikionyesha umakini unaoendelea CAF kupitia usambazaji kwa timu za Taifa, Klabu na kusaidia waandaaji wa mashindano.
Dola Milioni 28.1 kwa ajili ya Kuandaa Mashindano ni Mgawo unaohusiana na kupanga na kutekeleza mashindano ya kandanda, kuhakikisha uzoefu wa hali ya juu kwa wachezaji, viongozi na mashabiki.
Dola Milioni 32.3 kwa Mipango ya Maendeleo ya Kandanda ni Uwekezaji unaounga mkono moja kwa moja ahadi ya CAF ya pointi 10 inayolenga kuendeleza soka kutoka ngazi ya chini hadi ya kitaaluma.
Uwekezaji huu wa kimkakati unaangazia kujitolea kwa CAF kutumia rasilimali zake za kifedha kuinua kandanda ya Afrika na kuunda mfumo endelevu wa kandanda.

Tuesday, October 22, 2024