BOCCO APIGA MBILI JKT TANZANIA YAITANDIKA TABORA UNITED 4-2 MBWENI

WENYEJI, JKT Tanzania wameibuka na ushindi wa mabao 4-2 dhidi ya Tabora United katika mchezo wa Ligi Kuu ya NBC Tanzania Bara leo Uwanja wa Meja Jenerali Michael Isamuhyo, Mbweni, Dar es Salaam.
Ilikuwa siku njema kwa mshambuliaji mkongwe wa umri wa miaka 35, John Raphael Bocco 'Adebayor' aliyefunga mabao mawili dakika za 21 na 26 huku mabao mengine ya JKT yakifungwa na mshambuliaji Edward Songo dakika ya 58 na kiungo Said Hamisi Ndemla dakika 63.
Mabao ya Taborav United inayofundishwa na Kocha mzoefu Mkenya, Francis Kimanzi yamefungwa na kiungo Offen Francis Chikola dakika ya 42 na mshambuliaji Mburkinabe, Yacouba Sogne dakika ya 90.
Kwa ushindi huo, JKT Tanzania inayofundishwa na Kocha Ahmad Ally inafikisha pointi 10 katika mchezo wa saba na kusogea nafasi ya sita, wakati Tabora United inabaki na pointi zake nane za mechi nane nafasi ya 11. 

Friday, October 18, 2024