PAMBA JIJI WATOA SARE YA 2-2 NA MASHUJAA CCM KIRUMBA

WENYEJI Pamba Jiji FC wamelazimishwa sare ya kufungana mabo 2-2 na Mashujaa FC ya Kigoma katika mchezo wa Ligi Kuu ya NBC Tanzania Bara leo Uwanja wa CCM Kirumba Jijini Mwanza.
Pamba ilikuwa inaongoza 2-0 hadi dakika 10 za mwisho kwa mabao ya Saleh Abdallah dakika ya 32 na John Nakibinge dakikaya 40, kabla ya Mashujaa kusawazisha kupitia kwa Richard Ulomi aliyefunga mabao yote dakika ya 76 na 84.
Kwa matokeo hayo, Pamba Jiji inafikisha pointi tatu katika mchezo wa tano, tatu za awali ikitoa sare za 0-0 na Tanzania Prisons, Dodoma Jiji na Azam FC na kufungwa moja na Singida Black Stars 2-1.
Kwa upande wao Mashujaa inafikisha pointi nane katika mchezo wa nne, tatu za awali ikishinda mbili, 1-0 zote dhidi ya Dodoma Jiji na Coastal Union na sare ya bila mabao na Tanzania Prisons.

Saturday, September 21, 2024