MASHUJAA NA AZAM NGOMA DROO, 0-0 LAKE TANGANYIKA

WENYEJI, Mashujaa FC wamelazimishwa sare ya bila kufungana na Azam FC katika mchezo wa Ligi Kuu ya NBC Tanzania Bara leo Uwanja wa Lake Tanganyika mjini Kigoma.
Ulikuwa mchezo mkali wa kusisimua na kosakosa zikiwemo za kugongesha nguzo pande mbili huku makipa wote, Msudan Mohamed Mustafa wa Azam na Patrick Munthary wa Mashujaa wakiokoa michomo mingi.

Dakika ya 57, sekunde ya 15 kwenda ya 16 Iddi Suleiman ‘Nado’ alifunga kwa kichwa, akimalizia krosi ya Lusajo Elukaga Mwaikenda, lakini waamuzi wakasema alikuwa amekwishaotea, ingawa hilo alililalamikia kocha wa Azam akisema yeye aliona kama mchezaji wake hakuwa ameotea.
Kwa matokeo hayo, timu zote zinafikisha pointi tisa, Mashujaa katika mchezo wa tano na Azam FC katika mchezo wa sita.

Sunday, September 29, 2024