LİGİ KUU YA PBZ ZANZİBAR KUANZA KESHO

LIGI Kuu ya PBZ Zanzibar inatarajiwa kuanza kesho, mabingwa watetezi na washindi wa Ngao ya Jamii, JKU wakimenyana na Inter Zanzibar kuanzia Saa 10:00 jioni Uwanja wa New Amaan Complex, Zanzibar.
Mechi nyingine za Raundi ya kwanza zitafuatia Jumamamosi; Mlandege na Chipukizi Uwanja wa New Amaan Complex na Mwenge dhidi ya KVZ Uwanja wa Gombani, Pemba zote zikianza Saa 10:00 jioni.
Jumapili kutakuwa na mechi mbili pia; Mwembe Makumbi na New City New Amaan Complex na Tekeleza dhidi ya Kipanga Uwanja wa Gombani, zote pia zikianza Saa 10:00 jioni.
Jumatatu Mafunzo watamenyana na KMKM Uwanja wa Annex A na Uhamiaji dhidi ya Junguni Annex B, wakati Jumanne raundi ya kwanza itakamilishwa kwa mchezo kati ya Malindi na Zimamoto.

Thursday, September 05, 2024