TWIGA STARS YAWACHAPA TUNISIA 5-0 PALE PALE TUNIS

TIMU ya soka ya taifa ya wanawake, Twiga Stars imeibuka na ushindi wa mabao 5-0’dhjdi ya wenyeji, Tunisia katika mchezo wa kirafiki leo Uwanja wa Farhad Ariana jijini Tunis .
Mabao ya Twiga Stars leo yamefungwa na kiungo wa Simba Queens, Aisha Juma Mnunka matatu dakika za 14, 27 na 62 na mengine yamefungwa na Nahodha, mshambuliaji wa Beşiktaş ya Uturuki, Opa Clement Tukumbuke dakika ya 41 na mshambuliaji wa JKT Queens, Donisia Daniel Minja dakika ya 90.
Twiga Stars inayofundishwa na Kocha Bakari Nyundo Shime inatarajiwa kushuka tena dimbani Jumanne kumenyana na Botswana katika mchezo wa mwisho kwenye ziara yao ya Tunisia kabla ya kurejea nchini.
Twiga Stars imefuzu Fainali za Kombe la Mataifa ya Afrika (WAFCON) ambazo zitafanyika baadaye mwaka nchini Morocco.
GONGA KUTAZAMA PICHA ZAIDI

Thursday, July 11, 2024