KIBU D ‘MKANDAJI’ MALI YA SIMBA SC HADI 2026

KIUNGO mshambuliaji wa Kimataifa wa Tanzania, Kibu Denis Prosper (25) amesaini mkataba mpya wa miaka miwili kuendelea kuichezea klabu ya Simba hadi mwaka 2026.
Anakuwa mchezaji wa tatu kutambulishwa leo amesaini mkataba mpya baada ya beki 
Israel Patrick Mwenda (24) na kiungo, Mzamiru Yassin Selemba (28) ambao wote wameongeza mikataba ya miaka miwili kila mmoja hadi mwaka 2026.
Na hiyo inafuatia Simba SC kuacha wachezaji sita hadi sasa ambao ni mabeki Mkongo, Henock Inonga Baka ‘Varane’, Kennedy Wilson Juma, viungo, Mrundi Saido Ntibanzokiza, Luis Jose Miquissone wa Msumbiji na washambuliaji John Raphael Bocco na Shaaban Iddi Chilunda.
Aidha, tayari Simba SC imemtambulisha mchezaji mmoja tu mpya, beki chipukizi wa katı, Lameck Elias Lawi (18) kutoka Coastal Union ya Tanga.

Tuesday, June 25, 2024