MAYELE APIGA MBILI YANGA YASHINDA 2-0 NA KUREJEA KILELENI LIGI KUU

MABAO ya mshambuliaji Mkongo, Fiston Kalala Mayele dakika ya 42 na 67 yameipa Yanga SC ushindi wa 2-0 dhidi ya wenyeji, Dodoma Jiji FC Uwanja wa LITI mjini Singida.
Mayele alifunga bao la kwanza akimalizia krosi ya Mkongo mwenzake, Tuisila Kisinda kutoka upande wa kulia na la pili akimalizia pasi ya winga chipukizi, Dennis Nkane.
Mkongo huyo sasa anafikisha mabao manane na kupanda kileleni kwenye chati ya ufungaji kwa bao moja zaidi ya Sixtus Sabilo wa Mbeya City.
Kwa ushindi huo, Yanga inafikisha pointi 29 katika mchezo wa 11 na kurejea kileleni ikiizidi wastani wa mabao tu Azam FC ambayo imecheza mbili zaidi.

Tuesday, November 22, 2022