COASTAL UNION YAICHAPA KAGERA SUGAR 2-0 MKWAKWANI

WENYEJI, Coastal Union wameibuka na ushindi wa 2-0 dhidi ya Kagera Sugar katika mchezo wa Ligi Kuu ya Tanzania Bara leo Uwanja wa Mkwakwani Jijini Tanga.
Mabao ya Coastal Union yamefungwa na Mbaraka Hamza yote, la kwanza kwa penalti dakika ya 10 na lingine dakika ya 65 na kwa ushindi huo, Wagosi wa Kaya wanafikisha pointi saba katika mchezo wa sita na kusogea nafasi ya tisa.

Kwa upande wao, Kagera Sugar baada ya kichapo cha leo wanabaki na pointi zao mbili katika nafasi ya 15 baada ya kucheza mechi tano hadi sasa.

Monday, October 03, 2022