YANGA WAWASILI MBEYA KUBEBA MWALI WAO JUMAMOSI

KIKOSI cha Yanga kimewasili Jijini Mbeya kuelekea mchezo wa wa Ligi Kuu ya Tanzania Bara dhidi ya wenyeji, Mbeya City Jumamosi Uwanja wa Sokoine.
Tayari Bodi ya Ligi imesema Yanga watakabidhiwa Kombe lao baada ya mchezo huo, kabla ya mapema siku inayofuata, yaani Jumapili kurejea Dar es Salaam na kupokewa na umati wa mashabiki na wapenzi wa timu hiyo huku wachezaji wakibebwa kwenye basi maalum la wazi na kulitembeza Kombe hadi makao makuu ya klabu, Jangwani.