YANGA KUTANGAZA UTALII WA NCHI NIGERIA

KLABU ya Yanga leo imeingia makubaliano na Wizara ya Maliasili na Utalii kuvaa jezi zenye nembo ya kuutangaza utalii wa nchi kwenye michuano ya Afrika.
Katika makubaliano hayo, Yanga watavaa jezi za Visit Kilimanjaro & Zanzibar kwenye mechi zao za Ligi ya Mabingwa Afrika dhidi ya wenyeji, Rivers United Jumapili Uwanja wa Adokiye Amiesimaka Jijini Port Harcourt, Nigeria.
Yanga SC wanatakiwa kushinda angalau 2-0 ili kusonga mbele baada ya kuchapwa 1-0 Jumapili iliyopita katika mchezo wa kwanza Uwanja wa Benjamin Mkapa Jijini Dar es Salaam.

Kama Yanga wataweza na wao kushinda 1-0 ugenini, mchezo utaamuliwa kwa changamoto ya mikwaju ya penalti.

Friday, September 17, 2021