MAN UNITED YAPELEKWA URUSI 16 BORA EUROPA LEAGUE, SAMATTA...

Manchester United ya Jose Mourinho itamenyana na Rostov ya Urusi katika hatua ya 16 Bora michuano ya Europa League PICHA ZAIDI GONGA HAPA  

RATIBA 16 BORA EUROPA LEAGUE 

Celta Vigo vs Krasnodar

APOEL vs Anderlecht

Schalke vs Borussia Monchengladbach

Lyon vs Roma

Rostov vs Manchester United

Olympiacos vs Besiktas

Gent vs Genk

Copenhagen vs Ajax 

VIGOGO wa England, Manchester United watamenyana na Rostov katika hatua ya 16 Bora michuano ya Europa League.

United iliingia hatua ya 16 kwa kishindo, baada ya kuitandika jumla ya mabao 4-0 St Etienne katika raundi ya kwanza ya mchujo.

Mechi mbili zitachezwa kati ya Machi 9 na Machi 16, mwaka huu baina ya timu hizo. Timu ya Jose Mourinho watakuwa safari ngumu ya Urusi, siku nne kabla ya kukutana na Chelsea katika Robo Fainali ya Kombe la FA. 

KRC Genk ya Nahodha wa Tanzania, Mbwana Samatta imeangukia kwa wapinzani wao wa Ubelgiji, Gent, wakati Schalke itamenyana na wapinzani wao wa Bundesliga, Borussia Monchengladbach.

Mechi nyingine Celta Vigo ya Hispania itamenyana na Krasnodar, APOEL ya Cyprus na Anderlecht ya Ubelgiji, Lyon ya Ufaransa na Roma ya Italia, Olympiacos ya Ugiriki na Besiktas ya Uturuki na Copenhagen ya Sweden dhidi ya Ajax ya Uholanzi. 

Friday, February 24, 2017