NYOTA YA ‘MO’ DEWJI YAZIDI KUNG’ARA, AZAM NAO MAMBO SAFI TUZO ZA LEADERSHIP 2015

Mohammed Dewji ni mfanyabishara kijana mwenye mafanikio makubwa

MFADHILI wa zamani wa Simba SC, Mohamed Dewji amepita bila mpinzani kwenye kipengele cha tuzo ya Mfanyabishara Bora wa Kiume wa Mwaka.
Dewji ‘Mo’ amepita kupitia kazi yake nzuri katika kampuni yake ya MeTL (Mohamed Enterprises Limited), huku mwanamama Ineke Bussemaker wa benki ya NMB akipita bila upinzani pia kuwania tuzo ya Mfanyabishara Bora wa Kike wa Mwaka.
Aidha, kituo kipya cha Televisheni nchini, Azam TV kimeingia katika vipengele viwili kuwania tuzo za Uongozi nchini (TLA) ambazo zitatolewa Desemba 11, mwaka huu katika hoteli ya Hyatt Regency (Kilimanjaro) mjini Dar es Salaam.
Taarifa ya Msemaji wa kampuni ya Purple Cow, waandaaji wa tuzo hizo, Peter Minja imesema 
Azam TV wameingia fainali kuwania tuzo ya chaneli bora ya Televisheni, wakichuana na Shirika la Utangazaji la Taifa (TBC), wakati pia wanawania tuzo ya chaneli bora ya burudani, wakichuana na Africa Media Group.

 

Friday, December 04, 2015