MAN UNITED VITANI NA BAYERN MUNICH KUWANIA SAINI YA SADIO MANE

KLABU ya Manchester United inakabiliwa na ushindani mkali kutoka kwa Bayern Munich katika kuwania saini ya mshambuliaji, Sadio Mane.

Mpachika mabao huyo wa Southampton amekuwa lulu Ulaya baada ya kazi nzuri aliyoifanya katika miezi yake 18 ya kufanya kazi St Mary’s.

Na vigogo wa Ujerumani, Bayern ni klabu nyingine inayojitokeza sasa kumuwania mshambulkiaji huyo, ambaye amefunga mabao 17 katika kikosi cha Ronald Koeman tangu awasili msimu uliopita. Chelsea pia nayo inamtaka kwa 'udi na uvumba' mkali huyo wa mabao.

Klabu za Manchester United na Bayern Munich zinagombea saini ya winga wa Southampton, Sadio Mane

Mane anataka sana kwenda Old Trafford, lakini inafahamika Southampton haiko tayari kumuuza, labda dau la ada ya uhamisho la Pauni Milioni 40 liwekwe mezani.

Pamoja na hayo, Southampton itakuwa tayari kufanya biashara hiyo mwishoni mwa msimu na BIN ZUBEIRY SPORTS - ONLINE inafahamu klabu hiyo imekwishaanza kusaka mbadala wa Mane.

'Watakatifu' wanataka kuurefusha Mkataba wa Mane, ambao unamalizika mwaka 2018.

Friday, December 04, 2015