TAIFA STARS SASA KUCHEZA TIMU YA TAIFA YA U23 AFRIKA KUSINI

TIMU ya soka ya taifa ya Tanzania, Taifa Stars inatarajiwa kucheza mchezo wa kirafiki dhid ya timu ya vijana chini ya umri wa miaka 23 ya Afrika Kusini 'Amaglug-glug' Jumanne jioni Uwanja wa Eldorado mjini Johannesburg.
Mchezo dhidi ya timu ya University of Pretoria inayoshriki Ligi Kuu ya ABSA Afrika Kusni umefuitwa, baada ya Chama cha Soka Afrika Kusini (SAFA) kuipa nafasi hiyo U23 yake.

Makocha wa Taifa Stars, Charles Boniface Mkwasa (kushoto) na Hemed Morocco

Taifa Stars imeweka kambi Johannesburg kujiaandaa na mechi mbili dhidi ya Algeria Novemba 14 Dar es Salaam na Novemba 17 Algiers kuwania nafasi ya kupangwa kwenye makundi ya kuwania tiketi ya Kombe la Dunia mwaka 2018 nchini Urusi.
Taifa Stars ambayo imekua ikifanya mazoezi kila siku katika Uwanja wa Edenvale, baada ya kuwa na mazoezi ya stamina na pumzi kuweka uwiano sawa wa mazoezi (fitness level), Kocha wa Stars Charles Mkwasa sasa anaendelea na mazoezi ya kutengeza mfumo kwa wachezaji wake.

Saturday, November 07, 2015