RONALDO ATUZWA MPIRA NA KIATU CHA 'MADINI' KWA KUVUNJA REKODI YA RAUL REAL MADRID

MWANASOKA bora wa dunia, Cristiano Ronaldo amefanyiwa pati la kuweka rekodi ya kuwa mfungaji bora wa kihistoria wa Real Madrid katika sherehe zilizofanyika Uwanja wa Santiago Bernabeu na kuhudhuriwa na wachezji wenzake.

Ronaldo aliyevishutumu vyombo vya habari kwa kumsakama, alijumuika na wachezaji wenzake kama Gareth Bale, Karim Benzema na Marcelo waliompogeza Mreno huyo mwenye umri wa miaka 30 katika pati ambayo mama yake, pamoja na mwanawe na wakala wake, Jorge Mendes walihudhuria pia.

Pamoja na hayo taarifa rasmi zinasema Ronaldo amefikia rekodi ya mfungaji bora wa kihistoria wa klabu hiyo, Raul aliyefunga mabao 323 sawa na Ronaldo

Ronaldo akiwa na mama yake, Dolores huku mwanawe Cristiano Ronaldo Jr akishuhudia wakati akipokea tuzo yake kiatu na mpira wa Fedha PICHA ZAIDI GONGA HAPA

Bao ambalo linaleta utata alifunga dhidi ya Real Sociedad mwaka 2010, ambalo mpira alioupiga ulimbabatiza mchezaji mwenzake wa Ureno na Real, Pepe kabla ya kutinga nyavuni.

Pamoja na vyombo vya habari kumzawadia bao hilo Pepe, lakini beki huyo wa Real alisema mapema bao hilo na halali ya Cristiano na leo amesistiza hio katika sherehe hiyo.

Friday, October 02, 2015