NI ETOILE NA ORLANDO PIRATES FAINALI KOMBE LA SHIRIKISHO AFRIKA, AL AHLY YAVULIWA TAJI

RATIBA YA FAINALI MICHUANO YA AFRIKA
Ligi ya Mabingwa
Jumapili Novemba 1, 2015
USM Alger (Algeria) v TP Mazembe (DRC)
Jumapili Novemba 8, 2015

TP Mazembe (DRC) v USM Alger (Algeria)
Kombe la Shirikisho
Ijumaa Novemba 20, 2015
Orlando Pirates (Afrika Kusini) v ES Sahel (Tunisia)
Jumapili Novemba 29, 2015
ES Sahel (Tunisia) v Orlando Pirates (Afrika Kusini) 

FAINALI ya Kombe la Shirikisho Afrika mwaka huu, itazikutanisha Etoile du Sahel ya Tunisia na Orlando Pirates ya Afrika Kusini.
Hiyo inafuatia Pirates kuwatoa waliokuwa mabingwa watetezi, Al Ahly ya Misri jana kwa jumla ya mabao 5-3.
Pirates imeifunga mabao 4-3 usiku wa jana Al Ahly Uwanja wa Jeshi wa Suez nchini Misri, baada ya awali kushinda 1-0 nyumbani.
Etoile ilitangulia Fainali juzi licha ya kufungwa mabao 3-0 na wenyeji Zamalek Uwanja wa Petro Sport mjini Cairo, Misri.
Etoile imefuzu kwa ushindi wa jumla wa 5-4, baada ya awali kuibuka na ushindi wa 5-1 nyumbani, Uwanja wa Olimpiki mjini Sousse, Tunisia.
Etoile iliyoitoa Yanga SC katika hatua ya 16 Bora ya michuano hiyo, juzi ilishindwa kuutumia mwanya wa Zamalek kucheza pungufu ya mchezaji mmoja tangu dakika ya tano baada ya mchezaji wake, Ali Gabr kutolewa kwa kadi nyekundu kwa kumpiga usoni Baghdad Bounedjah.

Monday, October 05, 2015