MWADUI YAZISOGELEA SIMBA NA YANGA KILELENI BAADA YA KUICHAPA MAJIMAJI 1-0

BAO pekee la Fabian Gwanse limeipa ushindi wa ugenini wa 1-0 Mwadui FC ya Shinyanga dhidi ya Majimaji Uwanja wa Majimaji, Songea jioni ya leo.
Mwadui ya kocha Jamhuri Mussa Kihwelo ‘Julio’ kwa ushindi huo, inafikisha pointi nane baada ya kucheza mechi sita na kupanda hadi nafasi ya tano, katika msimamo wa Ligi Kuu nyuma ya Mtibwa Sugar, Simba SC zenye pointi 12 kila moja, Azam FC na Yanga SC zenye pointi 15 kila moja baada ya kucheza mechi tano kila moja.

Kikosi cha Mwadui FC leo kimepata ushindi wa ugenini

Mchezo mwingine wa Ligi Kuu leo, Mgambo Shooting imelazimishwa sare ya bila kufungana na ndugu zao, Coastal Union Uwanja wa Mkwakwani, Tanga.
Ligi Kuu itaendelea kesho kwa mchezo mmoja tu, Toto Africans wakiwakaribisha JKT Ruvu Uwanja wa CCM Kirumba, Mwanza. 

Saturday, October 03, 2015