WAYNE ROONEY KUWAKOSA LIVERPOOL LEO, VAL GAAL AMUANDAA FELLAINI KUCHUKUA NAFASI YAKE

KOCHA Louis van Gaal atamuanzisha Marouane Fellaini katika nafasi ya ushambuliaji Manchester United dhidi ya Liverpool iwapo Nahodha Wayne Rooney atashindwa kabisa kupata ahueni ya maumivu ya nyama.

Mshambuliaji huyo wa England, Rooney aliripotiwa kutojiunga na wachezaji wenzake wa Man United katika kambi  ya hiteli ya Lowry.

Wachezaji wa Manchester United walionekana wakiwasili jana hotelini hapo kwa maandalizi ya mchezo wao na Liverpool.

Nahodha wa Manchester United, Wayne Rooney anatarajiwa kuikosa mechi dhidi ya Liverpool leo

Kipa David de Gea, ambaye amesaini Mkataba mpya wa miaka minne aliwapungia mikono mashabiki wa United wakati anaingia hotelini, huku Van Gaal akipiga picha na mashabiki. 

Van Gaal anakabiliwa na tatizo la washambuliaji baada ya kumuuza  Adnan Januzaj kwa mkopo Borussia Dortmund siku ya kufunga dirisha la usajili, huku pia akiwa na hofu ya kumkosa Rooney mechi hiyo ya jioni ya leo Uwanja wa Old Trafford.

Fellaini ameambiwa atacheza mbele ya lango la wapinzani pamoja na Anthony Martial huku nyuma yao, wakilishwa mipira na kiungo Ander Herrera, aliyecheza namba 10 nyuma ya Rooney, United ikifungwa 2-1 na Swansea City kabla ya mapumziko ya mechi za kimataifa.

Wachezaji wa United walifanya mazoezi ya kumpelekea mipira mirefu Fellaini kwa Herrera, huku mawinga Memphis Depay na Juan Mata wakifanya shughuli hiyo. 

+5

Marouane Fellaini anatarajiwa kuziba pengo la Rooney akicheza pamoja na nyota mpya, Anthony Martial katika safu ya ushambuliaji

Saturday, September 12, 2015