KOCHA WA YANGA SC AMTIMUA ADEBAYOR KIKOSI CHA TOGO, HAMTAKI TENA KISA MARINGO NA DHARAU

KOCHA wa zamani wa Yanga SC, Mbelgiji Tom Saintfiet amemfukuza kabisa mshambuliaji wa Tottenham, Emmanuel Adebayor katika timu ya taifa ya Togo.

Saintfiet aliyeipa Yanga SC ubingwa wa Afrika Mashariki na Kati mwaka 2012, ambaye sasa anaifundisha Togo, amesema hatamuita tena kikosini Adebayor baada ya kukataa wito wa kujiunga na kikosi kilichomenyana na Djibouti mwishoni mwa wiki katika mchezo wa kufuzu Fainali za Mataifa ya Afrika.

Na hiyo inakuja baada ya mchezaji huyo mwenye umri wa miaka 31 kutemwa katika kikosi cha wachezaji 25 wa -Tottenham watakaocheza Ligi Kuu ya England msimu huu.

Emmanuel Adebayor (kulia) ameendelea kuogelea kwenye bahari ya matatizo, baada ya kocha wa Togo, Tom Saintfiet kumfukuza moja kwa kikosini mwake

Saintfiet amesema; "Kama unatoka na mwanamke ambaye hana majibu sahihi, unapaswa kutaafuta mwanamke mwingine,"amesema Saintfiet ambaye ameshangaa Adebayor kushindwa kutuma hata meseji au email kujibu wito wake timu ya taifa.

Adebayor alicheza na kufunga bao katika mchezo wa kwanza kufuzu AFCON dhidi ya Liberia Juni na hiyo ilikuwa mara yake ya mwisho, kabla ya kusema amesikitishwa na kitendo cha Saintfiet kumpokonya Unahodha.

Tom Saintfiet kulia hataki tena kumsikia Adebayor kikosi cha Togo

Wednesday, September 09, 2015