EL MERREIKH ILE ILE ILIYOITOA AZAM KWA MBINDE, HILI NDILO BALAA LAKE LIGI YA MABINGWA!

EL Merreikh ya Sudan imehitimisha mechi zake za Kundi B Ligi ya Mabingwa Afrika kwa ushindi wa 1-0 nyumbani dhidi ya USM Alger ya Algeria Uwanja wa Merreikh mjini Khartoum, Sudan.
Na kwa ushindi huo, Marreikh iliyoitoa Azam FC ya Tanzania katika Raundi ya Kwanza kwa jumla ya mabao 3-2, inafikisha pointi 13 baada ya mechi zote sita na kumaliza katika nafasi ya pili kwenye Kundi B, ikizidiwa pointi mbili na vinara USMA.
Merreikh na USMA zilijihakikishia kutinga Nusu Fainali tangu mwezi uliopita baada ya kuziacha mbali kwa pointi ES Setif na MC Eulma zote za Algeria.
Michuano hiyo itaendelea leo kwa mechi za Kundi A, Smouha ya Misri ikiwakaribisha Al Hilal ya Sudan na TP Mazembe wakiwa wenyeji wa Moghreb Tetouan ya Morocco mjini Lubumbashi, DRC.   

Saturday, September 12, 2015