VAN PERSIE KWAHERI MAN UNITED, AUZWA PAUNI MILIONI 10 UTURUKI

MSHAMBULIAJI wa kimataifa wa Uholanzi, Robin van Persie atajiunga na Fenerbahce baada ya klabu hiyo kukubaliana na Manchester United leo.

Mkongwe huyo mwenye umri wa miaka 31 anakwenda kufanyiwa vipimo England kuelekea uhamisho huo wa Uturuki ambako atasaini Mkataba wa miaka mitatu na kuwa na fursa ya kuongeza mwaka mmoja.

United ilikataa kufikia makubaliano na Fenerbahce mwishoni mwa wiki baada ya klabu ya Uuruki kutangaza nia ya kumsajili mchezaji huyo. 

Van Persie amebakiza mwaka mmoja Old Trafford na United imekubali kumuuza kwa Pauni Milioni 10

+5

Van Persie anatarajiwa kuungana na mchezaji mwenzake wa zamani wa United, Luis Nani, ambaye hivi karibuni amesaini Fenerbahce

Pamoja na hayo, uhamisho huo sasa unathibitishwa baada ya kuwekwa wazi kwamba mchezaji huyo hatakuwa na nafasi kwenye kikosi cha kwanza cha Louis van Gaal Uwanja wa Old Trafford.

Na Mholanzi huyo kwa kutaka kucheza michuano mikubwa ya Ulaya, ameichagua timu ya Uturuki, ambayo wiki iliyopita ilimsajili winga wa zamani wa United, Mreno Luis Nani.

Van Persie aliyesajiliwa kutoka Arsenal, amebakiza mwaka mmoja katika Mkataba wake Old Trafford na United imekubali kumuuza kwa Pauni Milioni 10.

Thursday, July 09, 2015