TEVEZ APATA MAPOKEZI HAYAJAWAHI KUTOKEA ARGENTINA, MARADONA ABEBA HADI BANGO

MSHAMBULIAJI Carlos Tevez amepata mapokezi mazuri akirejea klabu yake iliyoumuibua kisoka nchini Argentina, Boca Juniors baada ya kulakiwa na mashabiki zaidi ya 40,000 akiwemo gwiji mwingine wa klabu hiyo, Diego Maradona Uwanja wa Bombonera.

Akiwa amevalia jezi namba 10 aliyokuwa anavaa kabla ya kuondoka Boca kuhamia Corinthians mwishoni mwa mwaka 2004, ambako nyota yake iling'ara zaidi na kuwa mchezaji mkubwa duniani akitamba klabu za West Ham United, Manchester United, Manchester City na Juventus, Tevez aliwafurahisha mno Boca.

Aakitazama kutoka jukwaani juu katika boksi, Maradona alining'iniza bango lililoandikwa 'Asanye kwa kurejea, Carlitos", kabla ya kumfuata chini Tevez na kusalimiana naye. Tevez baadaye alipiga magoti kubusu Uwanja ambako aliukanyaga kwa mara ya kwanza mwaka 2001 akiwa ana umri wa miaka 18 tu.

Carlos Tevez amepata mapokezi mazuri akirejea Boca Junior alikoanzia soka ya kulipwa mwaka 2001 PICHA ZAIDI GONGA HAPA

Tuesday, July 14, 2015