STEVE NYERERE AITEKA KINONDONI MBIO ZA UBUNGE 2015

Na Hemed Kivuyo, DAR ES SALAAM
MSANII Aliyejizolea umaarufu kwakuiga sauti za Viongozi mbalimbali Afrika hasa Baba wa Taifa Mw. Nyerere na kufikia hatua ya kuitwa Stiv Nyerere ,Steven Mengele amerejesha fomu ya kuwania kiti cha Ubunge huku akisindikizwa na wasanii wenzake pamoja wakazi mbalimbali wa jiji la Dar es salaam.
Akiongea na BIN ZUBEIRY SPORTS- ONLINE saa chache kabla ya kurejesha fomu hiyo stiv amesema kuwa kwasasa haruhusiwi kufanya kampeni hivyo hawezi kusema atawafanyia nini wananchi wa Kinondoni lakini anajua Kinondoni inakabiliwa na Changamoto Nyingi ingawa ipo sehemu Nzuri yenye kuweza kuwanufaisha.
Amesema kuwa pamoja na Kinondoni kuwepo maeneo mazuri ya mji lakini wananchi wake wameshindwa kuwezeshwa kutumia fursa hiyo na kujikuta wakidumaa katika maendeleo kutokana mawazo mafupi ya baadhi ya viongozi .
``Kwasasa hatufanyi kampeni kwakuwa kanuni hazituruhusu lakini nafahamu Kinondoni inakabiliwa na changamoto Nyingi ingawa imejaaliwa kuwa na rasilimali nyingi mimi najua nitawafanyia nini ili kulikomboa Jimbo langu la Kinondoni tusuburi muda ufike``Alisema Stiv kwakujiamini huku akishangiliwa.
Mmoja wa wasanii aliyemsindikiza Mtangaza nia huyo Sabrina Rupia maarufu kwajina la 'Cathy' amesema kuwa wasanii wamekuwa wakitumiwa na wanasiasa kwa muda mrefu huku wakiahidiwa kusaidiwa katika harakati za kunufaika na kazi zao lakini mwisho wa siku hawasaidiwi.
Amesema endapo wanakinondoni watampa ridhaa msanii mwenzao `Stiv `kuingia Bungeni wana hakika atapigania maslahi yao na wataanza kuona faida ya kazi zao zinazonyonywa na wasiyostahili kupata faida.
``Mimi nampongeza sana stiv kwa uamuzi wake huu wa ujasiri na ninaamini wananchi watampa ridhaa yakuingia Bungeni na akiingia sisi wasanii tunaamini atapigania maslahi yetu na wananchi wote wa Kinondoni``Alisema Binti huyo anayebonyea mashavu pindi anapotabasam.
Nao baadhi ya wakazi wa Kinondoni waliyokuwa wakimshuhudia Mtangaza nia huyo akirejesha fomu walionekana kutabasam kumuona msanii huyo akiweka `nadhiri` yakuwania Ubunge huku wengine wakimpa matumaini kuwa wapo naye mpaka dakika ya mwisho.
Mmoja wa kazi hao Fatuma Hussein amesema Msanii huyo ameonyesha mfano mzuri kwa wenzake kuacha kutumiwa na wanasiasa na badala yake ameamua kuingia Bungeni yeye mwenyewe na anadhani ataleta mabadiliko.
``Nampongeza huyu msanii kujitosa kuwania Ubunge huku kwetu kwakuwa wasanii tumezoea kuwaona wakiongozana na wagombea wengine lakini wao hawagombei,mimi nadhani huyu msanii anafaa kuigwa mimi binfasi ntamchagua``Alisema Fatuma.
Msanii huyo amejitosa kuwania Ubunge kwa tiketi ya ccm katika jimbo la Kinondoni ambalo linashikiliwa na Iddy Azzan (ccm) ambaye anaonekana kupoteza mvuto kwa Wananchi wake.

Friday, July 17, 2015