RASMI, SCHWEINSTEIGER NDANI YA UZI WA MAN UNITED, VAN GAAL ATAMBULISHA WAPYA WATATU KWA MPIGO

KLABU ya Manchester United imethibitsha kumsajili Bastian Schweinsteiger kutoka Bayern Munich kwa Mkataba wa miaka mitatu, ikiwa ni muendelezo wa kocha Louis van Gaal kutumia fedha kuimarisha kikosi chake.

Schweinsteiger anaungana na beki wa pembeni, Matteo Darmian, aliyesajiliwa Jumamosi jioni katika klabu hiyo, huku Morgan Schneiderlin akitarajiwa kufuatia baadaye atakapokamilisha vipimo vya afya.  

Na Louis van Gaal anasubiri kuona ni kiasi gani atakuwa na kikosi imara baada ya usajili huu wa kishindo kuelekea msimu ujao.

Bastian Schweinsteiger ametua Man United kutoka Bayern Munich kwa Mkataba wa miaka mitatu  PICHA ZAIDI GONGA HAPA

ZIARA YA MAN UNITED KUJIANDAA NA MSIMU

Jumamosi Julai 18, Manchester United vs Club America, Seattle, (Saa 10:00 jioni)

Jumatano Julai 22, Manchester United vs San Jose Earthquakes, San Jose,  (Saa 10:00 jioni)

Jumamosi Julai 25, Manchester United vs Barcelona, Santa Clara, (Saa 3:00 usiku) 

Alhamisi Julai 30, United vs Paris Saint-Germain, Chicago,  (Saa 8:00 mchana)

Kocha huyo Mholanzi wa Man United anahaha kutumia mamilioni ya Pauni kuboresha kikosi chake cha kwanza- lakini kwa sasa wachezaji wake wote watakuwa na hofu ya kupata namba.

Wachezaji wapya waliosajiliwa Schweinsteiger, Morgan na Darmian leo walipigilia viwalo vya klabu yao hiyo mpya, kuelekea ziara ya kujiandaa na msimu mpya.

Baada ya klabu kuthibitisha kumsajili Schweinsteiger kwa Mkataba wa miaka mitatu, wameposti picha za wachezaji wote watatu wapya katika ukurasa wao wa Twitter wakiwa wamevaa viwalo tofauti vya timu yao mpya kama jezi, jaketi na suti myeusi na tai nyekundu.

Schweinsteiger amekaririwa na tovuti ya United akisema kwamba Old Trafford ndiyo sehemu pekee angekwenda baada ya kuondoka Bayern Munich.

"Nimefurahia sana maisha yangu nikiwa na Bayern Munich,"amesema na kuongeza; "Ilikuwa ni safari babu kubwa na haukuwa uamuzi mwepesi kuondoka,". 

Monday, July 13, 2015