MZEE YUSSUF AMTUPIA MADONGO YA 'LALA SALAMA' OMAR TEGO

BAADA ya Omar Teggo kumshutumu Mzee Yussuf akidai ndiye anayeporomosha muziki wa taarab, hatimaye hatua ya pili ya mjadala huo imepatikana. Hatua ya pili ni yale majibu yaliyotolewa na Mzee Yussuf ambapo amesema Omar Teggo ameshapotea kwenye ‘game’ na hivyo maneno yake hayamuumizi kichwa. Akiongea na Clouds FM Jumapili iliyopita, Mzee Yussuf alisema hana haja ya kumjibu Teggo kwa vile si ‘size’ yake. “Teggo amepotea, sitakiwi kumfikiria …He is out of my mind (hayuko kwenye akili yangu), kuna watu kama Thabit Abdul, Isha Mashauzi na Ally Jay wanafanya kazi zinazoonekana, hao ndio natakiwa niwafikirie lakini sio Teggo,” alisema Mzee Yussuf. 

Katika shutuma zake, Teggo alisema Mzee Yussuf hataki ushirikiano na wasanii wenzake, jambo alilodai linachangia kudorora kwa muziki wa taarab. Lakini Mzee Yussuf akalijibu hilo kwa kusema: “Hivi gari jipya linavutwa na gari bovu? Yeye mwenye gari bovu ndio anitafute nimvute. Mimi siwezi kumtafuta na kumwambia nataka nikuvute, hilo haliwezekani.”

Sunday, July 12, 2015