MAN CITY YANASA SILAHA NYINGINE, NI MIDO LA HATARI FABIAN DELPH KUTOKA VILLA

KIUNGO Fabian Delph amesaini Manchester City akitokea Aston Villa kwa dau la Pauni Milioni 8.

Nahodha huyo wa Villa, ambaye Jumamosi iliyopita alisistiza hataondoka katika timu hiyo msimu huu, alisaini jana baada ya kukamilisha vipimo vya afya.

Uamuzi wake umekuwa wa kushitua kwa kocha wa Villa, Tim Sherwood, ambaye alijua rasmi juzi usiku. Villa ilikwishaanza kutafakari namna ya kuboresha Mkataba wa nyota huyo wa England mwenye umri wa miaka 25 kutoka mshahara wa Pauni 30,000 kwa wiki hadi 80,000.

Na Mtendaji Mkuu wa Villa, Tom Fox alitaka pia kuboresha Mkataba wa Delph kwa ujumla kimaslahi ili uwe wenye thamani zaii ya ule aliosaini wakati anasajiliwa Januari mwaka jana.

Aliyekuwa Nahodha wa Aston Villa, Fabian Delph akiwa ameshika jezi ya Manchester City baada ya kukamilisha uhamisho wake jana PICHA ZAIDI GONGA HAPA

Saturday, July 18, 2015