KIEMBA AZIBA PENGO LA NGASSA STARS, AIFUATA TIMU ADDIS ABABA

RATIBA YA MECHI ZA KUNDI G

Jumamosi Juni 13, 2015
Nigeria v Chad
Misri v Tanzania
Jumamosi Sept 5, 2015
Tanzania v Nigeria
Chad v Misri
Ijumaa Machi 25, 2016
Chad v Tanzania
Nigeria v Misri
Jumatatu Machi 28, 2016
Tanzania v Chad
Misri v Nigeria
Jumamosi Juni 4, 2016
Chad v Nigeria
Tanzania v Misri
Jumamosi Sept 3, 2016
Nigeria v Tanzania
Misri v Chad

Na Mahmoud Zubeiry, DAR ES SALAAM
KIUNGO Amri Ramadhani Kiemba ameondoka leo Dar es Salaam kwenda Addis Ababa, Ethiopia kuungana na timu ya soka ya taifa ya Tanzania, Taifa Stars kwa safari ya Misri.
Taifa Stars inakwenda Misri baadaye leo kwa ajili a mchezo wa kwanza wa Kundi G kufuzu Fainali za Kombe la Mataifa ya Afrika 2017 nchini Gabon dhidi ya Misri. 
Kiemba alikuwa katika kikosi cha pili cha timu ya taifa, chini ya kocha Salum Mayanga ambacho kilikwenda Rwanda kwa mchezo wa kirafiki dhidi ya wenyeji, wakati Taifa Stars A inakwenda kambini Ethiopia.
Na kocha wa Taifa Stars, Mart Nooij amelazimika kumuita Kiemba baada ya kumkosa kiungo mshambuliaji, Mrisho Khalfan Ngassa ambaye ametingwa na shughuli binafsi.  
Kwa mujibu wa Mkuu wa Msafara wa Taifa Stars, Geoffrey Nyange ‘Kaburu’ maandalizi ya timu ni mazuri na kuna matumaini makubwa ya ushindi wa ugenini.
“Kwa kweli maandalizi yetu hapa Addis yamekuwa mazuri sana, vijana wamefanya mazoezi katika mazingira mazuri na wapo vizuri kabisa. Ni kwamba tuna matumaini makubwa ya ushindi wa ugenini,”amesema Kaburu.

Amri Kiemba akiwa Uwanja wa Ndege wa Julius Nyerere (JNIA), Dar es Salaam leo kwa safari ya Addis Ababa

Friday, June 12, 2015