JKT RUVU WAIPIGA 1-0 MGAMBO MKWAKWANI, NDANDA YAILIPUA 2-0 KAGERA SUGAR

JKT Ruvu imepata ushindi wa ugenini 1-0 dhidi ya wenyeji JKT Mgambo, katika mchezo wa Ligi Kuu ya Vodacom Tanzania Bara jioni ya leo Uwanja wa Mkwakwani, Tanga.
Shukrani kwake mfungaji wa bao hilo pekee, Ally Bilal aliyemalizia kazi nzuri ya Samuel Kamuntu dakika ya 11.
JKT Ruvu ya kocha Freddy Felix Minziro sasa inafikisha pointi 31 baada ya kucheza mechi 25, na kupanda hadi nafasi ya sita kutoka ya nane, wakati Mgambo inabaki nafasi ya 10 kwa pointi zake 28 za mechi 25.
Kikosi cha Mgambo JKT kilikuwa; Said Lubawa, Pera Ramadhani, Salum Mlima, Fransis Anyosisye, Salum Kipanga, Novaty Lufunga, Mohamed Namkopwe, Mohamed Samatta, Bolly Shaibu, Malimi Busungu na Aziz Gilla.
JKT Ruvu; Shaaban Dihile, Ramadhan Shamte, Napho Zuberi, Renatus Morris/Nurdin Mohammed dk47, George Minja, Naftali Nashon, Jabir Aziz, Richard  Maranya, Samuel Kamuntu, Ally Bilal na Amosi Edward.
Katika mchezo mwingine wa Ligi Kuu leo, wenyeji Ndanda wameifunga mabao 2-0 Kagera Sugar Uwanja wa Nangwnada, Mtwara. Mabao ya Ndanda yamefungwa na Gedion Benson dakika ya 15 na Nassor Kapama dakika ya 45. Ndanda inatimiza pointi 28 baada ya kucheza mechi 25 na kupanda hadi nafasi ya 10 kutoka mkiani kabisa, nafasi ya 14. Kagera inabaki nafasi ya tano kwa pointi zake 31 za mechi 25 pia.  

Saturday, May 02, 2015