RAIS BARCA ASEMA; "MESSI NI WA HAPA HAPA HADI ANASTAAFU"

RAIS  wa Barcelona, Josep Maria Bartomeu amemuambia Lionel Messi kwamba angependa Muargentina huyo adumu katika klabu hiyo hadi anastaafu soka. 

Messi, ammbaye amekuwa na vigogo hao wa Katalunya tangu akiwa ana umri wa miaka 13, alikuwa akihusishwa na kuondoka Nou Camp mapema mwaka huu kufuatia taarifa za kutofautiana na bodi.

Pamoja na hayo, Bartomeu ameelezea msimamo wa klabu kwamba Messi ana nafasi ya kudumu Nou Camp.

Lionel Messi ana nafasi ya kudumu Barcelona hadi atakapoamua kustaafu, amesema Rais wa klabu

"Tunafanya kazi na viongozi kama Messi, ambaye amekuwa bora duniani, lakini pia kwenye historia. Ana nafasi hapa atakaapoamua kustaafu soka.

Messi, ambaye Jumamosi alifunga baao lake la 400 kwa Barca katika ushindi wa 2-0 dhidi ya Valencia, jana akiwa na nyota wenzake wa klabu hiyo Luis Suarez na Neymar waliipa timu ushindi wa 2-0 katika Robo Fainali ya Pili ya Ligi ya Mabingwa Ulaya dhidi ya Paris Saint-Germain.
Kwa mabao hayo ya Neymar, Barca inakwenda Nusu Fainali kwa ushindi wa jumla wa 5-1, baada ya awali kushinda 3-1 Paris.  

Wednesday, April 22, 2015