MALINZI ‘AMLILIA’ JOHN MASHOEU SHOE ALIYEAGA DUNIA JANA AFRIKA KUSINI

Na Baraka Kizuguto, DAR ES SALAAM
RAIS wa Shirikisho la Soka Tanzania (TFF), Jamal Malinzi ametuma salamu za rambirambi kwa Rais wa Shirikisho la Soka Afrika Kusini (SAFA) Dk. Danny Jordan kufuatia kifo cha mchezaji wa zamani wa timu ya taifa ya nchi hiyo, Bafana Bafana, John Lesiba "Shoe" Mashoeu (pichani juu) kilichotokea jana Aprili 21.
Katika salamau zake kwa Dk. Jordan, Malinzi amesema nchi ya Afrika Kusini imepatwa na pigo kubwa katika tasnia ya mpira wa miguu, kufuatia kifo cha  Mashoeu aliyefariki dunia kwa ugonjwa wa Kansa ya Utumbo, na  kusema watanzania wako nao pamoja katika kipindi hiki cha maombelezo.
John Lesiba "Shoe"  Mashoeu aliyezaliwa Desemba 18, 1965 nchini Afrika Kusini, alikuwa ni miongoni wa wachezaji wa nchi hiyo waliotwaa Ubingwa wa Kombe la Mataifa Afrika (AFCON) mwaka 1996 nchini Afrika Kusini na baadae kushiriki fainali za Kombe la Dunia nchini Ufaransa mwaka 1998.
Wakati wa uhai wake Mashoe alipata kuvichezea klabu za Giant Blackpool, Kaizer Chiefs, Amazulu na Alexandria United vya Afrika Kusini, na timu Gencleribirligi, Kocaeilispor, Fenerbahce na Busrsapor za Uturuki.

Wednesday, April 22, 2015