REAL MADRID YAIACHA POINTI NNE BARCELONA LA LIGA BAADA YA KUIBUTUA 2-0 DEPORTIVO

TIMU ya Real Madrid imepaa kileleni mwa La Liga kwa pointi nne zaidi kufuatia ushindi wa mabao 2-0 dhidi ya Deportivo La Coruna Uwanja wa Bernabeu, Madrid, Hispania.

Mwanasoka wa kimataifa wa Hispania, Isco aliifungia Real bao la kwanza dakika ya 22 baada ya kazi nzuri ya Alvaro Arbeloa kabla ya Mfaransa, Karim Benzema kufunga la pili dakika ya 73 akimalizia pasi ya Cristiano Ronaldo. 

Katika mchezo huo wa nyumbani kwa Real, kocha wao Carlo Ancelotti na kipa, Iker Casillas walizomewa na mashabiki wa Los Blancos.

Kikosi cha Real Madrid kilikuwa; Casillas, Arbeloa, Varane, Nacho, Marcelo; Kroos, Illarra/Silva, Isco/Carvajal, Bale, Benzema/Jese na Ronaldo.

Deportivo; Fabricio, Laure, Pablo, Lopo, Luisinho; Bergantinos, Borges/Dominguez, Cuenca, Perez/Medunjanin, Cavaleiro na Riera/Costa.

Wachezaji wa Real Madrid wakishangilia baada ya kuipita kwa pointi nne Barcelona katika mbio za taji la La Liga

Sunday, February 15, 2015