CARLOS TEVEZ ATIA MOJA KWENYE KAMBA JUVE IKIICHAPA DORTMUND LIGI YA MABINGWA ULAYA

MABINGWA wa zamani Ulaya, Juventus wameizaba mabao 2-1 Borussia Dortmund usiku huu katika mchezo wa kwanza hatua ya 16 Bora Ligi ya Mabingwa Ulaya nchini Italia.
Juve au Kibibi Kizee cha Turin, ilipata bao lake la kwanza kupitia kwa Carlos Tevez dakika ya 13 aliyetumia makosa ya kipa Roman Weidenfeller.
Lakini Borussia Dortmund ikafanikiwa kusawazisha dakika ya 18 kupitia kwa Marco Reus aliyetumia udhafu wa beki, Giorgio Chiellini kabla ya Alvaro Morata kuifungia bao la ushindi Juve dakika ya 43.
Dortmund kwa kupata bao le ugenini, imejiweka kwenye mazingira mazuri ya kusonga mbele kuelekea mchezo wa marudiano Machi 18 Uwanja wa Westfalenstadion.
Kikosi cha Juventus kilikuwa: Buffon, Lichtsteiner, Bonucci, Chiellini, Evra, Marchisio, Pirlo/Pereyra dk37, Pogba, Vidal/Padoin dk86, Tevez/Coman dk89 na Morata.
Borussia Dortmund: Weidenfeller, Piszczek/Ginter dk32, Papastathopoulos/Kirch dk46, Hummels, Schmelzer, Gundogan, Sahin, Aubameyang, Mkhitaryan, Reus na Immobile/Blaszczykowski dk75.

Carlos Tevez akishangili bao lake ka nne katika msimu huu wa Ligi ya Mabingwa Ulaya

PICHA ZAIDI NENDA: http://www.dailymail.co.uk/sport/football/article-2967367/Juventus-2-1-Borussia-Dortmund-Carlos-Tevez-Alvaro-Morata-seal-Champions-League-16-leg-win-Italian-champions.html#ixzz3SiAFFfit 

Wednesday, February 25, 2015