%202.png)
.png)
Na Dina Ismail, DAR ES SALAAM
MIFUKO ya hifadhi ya Jamii ya NSSF na PSPF imejitokeza kudhamini tuzo za Wanamichezo Bora wa Tanzania ambazo zitafanyika Desemba 12 mwaka huu ukumbi wa Diamond Jubilee (VIP), Dar es Salaam, zikiandaliwa na Chama cha Waandishi wa Habari za Michezo Tanzania (TASWA).
Katibu wa TASWA, Amir Mhando amesema kwamba udhamini wa PSPF katika tuzo hizo ni Sh. Milioni tano, wakati NSSF imetoa Sh. Milioni mbili, hivyo kufanya fedha taslimu ambazo hadi sasa TASWA imepata kufikia Sh. Milioni 37.
Wadhamini wengine ni Kampuni ya Said Salim Bakhresa (SSB) Group Limited iliyotoa Sh. Milioni 10 na Kampuni ya Kufua Umeme ya IPTL iliyotoa Sh milioni 20.
Mhando amesema uongozi wa TASWA unaendelea na mazungumzo na kampuni mbalimbali kwa ajili ya kudhamini tuzo hizo, ambapo licha ya walioahidi kutoa fedha taslimu, lakini wapo wengine tunaendelea kuzungumza nao kwa ajili ya kudhamini kwa njia ya huduma zinazoambatana na tuzo hizo.
“Ni imani ya TASWA kwamba hadi kufikia Novemba 20 mwaka huu kampuni na wadau mbalimbali walioahidi kutusaidia watakuwa wametekeleza ahadi zao kulingana na mazungumzo tuliyofanya nao, hivyo kuwatangaza rasmi,” amesema.
Wanamichezo zaidi ya 100 wanatarajiwa kuwania tuzo kwa michezo mbalimbali, ambapo Kamati ya Tuzo za Wanamichezo Bora wa TASWA, inatarajiwa kukutana wiki ijayo kujiridhisha kwa mara ya mwisho orodha ya mapendekezo ya wanamichezo kutoka vyama mbalimbali vya michezo kwa ajili ya kuwania tuzo hizo.
Aidha, Mhando amesema TASWA kila mwaka inaandaa bonanza la vyombo vya habari linalojulikana kama Media Day Bonanza, ambalo hushirikisha wadau mbalimbali kutoka vyombo vya habari.
Amesema mwaka huu bonanza hilo limechelewa kutokana na na suala la wadhamini ambao awali TASWA ilikubaliana nao, lakini baadaye walisema wamepata matatizo ya kifedha.
Hata hivyo, amesema kutokana na umuhimu wa bonanza hilo, uongozi wa TASWA umezungumza na wadau wengine na mazungumzo hayo yanaendelea ili Media Day Bonanza ifanyike mwezi ujao likiwa ni maalum kwa ajili ya kufunga mwaka 2014.
MIFUKO ya hifadhi ya Jamii ya NSSF na PSPF imejitokeza kudhamini tuzo za Wanamichezo Bora wa Tanzania ambazo zitafanyika Desemba 12 mwaka huu ukumbi wa Diamond Jubilee (VIP), Dar es Salaam, zikiandaliwa na Chama cha Waandishi wa Habari za Michezo Tanzania (TASWA).
Katibu wa TASWA, Amir Mhando amesema kwamba udhamini wa PSPF katika tuzo hizo ni Sh. Milioni tano, wakati NSSF imetoa Sh. Milioni mbili, hivyo kufanya fedha taslimu ambazo hadi sasa TASWA imepata kufikia Sh. Milioni 37.
Wadhamini wengine ni Kampuni ya Said Salim Bakhresa (SSB) Group Limited iliyotoa Sh. Milioni 10 na Kampuni ya Kufua Umeme ya IPTL iliyotoa Sh milioni 20.
 |
| Katibu wa TASWA, Amir Mhando kushoto akiwa na Mwenyekiti wake, Juma Pinto |
Mhando amesema uongozi wa TASWA unaendelea na mazungumzo na kampuni mbalimbali kwa ajili ya kudhamini tuzo hizo, ambapo licha ya walioahidi kutoa fedha taslimu, lakini wapo wengine tunaendelea kuzungumza nao kwa ajili ya kudhamini kwa njia ya huduma zinazoambatana na tuzo hizo.
“Ni imani ya TASWA kwamba hadi kufikia Novemba 20 mwaka huu kampuni na wadau mbalimbali walioahidi kutusaidia watakuwa wametekeleza ahadi zao kulingana na mazungumzo tuliyofanya nao, hivyo kuwatangaza rasmi,” amesema.
Wanamichezo zaidi ya 100 wanatarajiwa kuwania tuzo kwa michezo mbalimbali, ambapo Kamati ya Tuzo za Wanamichezo Bora wa TASWA, inatarajiwa kukutana wiki ijayo kujiridhisha kwa mara ya mwisho orodha ya mapendekezo ya wanamichezo kutoka vyama mbalimbali vya michezo kwa ajili ya kuwania tuzo hizo.
Aidha, Mhando amesema TASWA kila mwaka inaandaa bonanza la vyombo vya habari linalojulikana kama Media Day Bonanza, ambalo hushirikisha wadau mbalimbali kutoka vyombo vya habari.
Amesema mwaka huu bonanza hilo limechelewa kutokana na na suala la wadhamini ambao awali TASWA ilikubaliana nao, lakini baadaye walisema wamepata matatizo ya kifedha.
Hata hivyo, amesema kutokana na umuhimu wa bonanza hilo, uongozi wa TASWA umezungumza na wadau wengine na mazungumzo hayo yanaendelea ili Media Day Bonanza ifanyike mwezi ujao likiwa ni maalum kwa ajili ya kufunga mwaka 2014.
0 comments:
Post a Comment