REKODI YA BAYERN MUNICH KUTOFUNGWA YAZIMWA LEO, YAGONGWA KIDUDUE BUNDESLIGA

BAO pekee la Sascha Moelders limeipa ushindi wa 1-0 Augsburg na kumaliza wimbi la mabingwa wa Ulaya, Bayern Munich kucheza mechi 53 bila kufungwa katika Bundesliga.

Kipigo hicho kinakuja siku chache kabla ya Bayern Munich inayofundishwa na Pep Guardiola kumenyana na Manchester United katika mchezo wa marudiano wa Robo Fainali ya Ligi ya Mabingwa Ulaya mjini Munich wiki ijayo baada ya sare ya 1-1 katika mchezo wa kwanza England. 

Bao hilo pekee lililowazamisha Bayern ambao tayari wamefanikiwa kutetea taji la Bundesliga lilifungwa na Moelders dakika ya 31. 

Bayern inabaki na pointi zake 78 baada ya kucheza mechi 29,ambazo haziwezi kufikiwa na timu nyingine yoyote katika ligi hiyo.

+2

Ladha ya kufungwa: Nyota wa Bayern Munich, Bastian Schweinsteiger akilalamika baada ya kipigo cha Augsburg

+2

Muuaji wao: Mfungaji wa bao pekee la Augsburg, Sascha Moelders akishangilia baada ya kufunga

Saturday, April 05, 2014