MAN CITY YAUA 4-1 NA KUJISOGEZA KARIBU NA UBINGWA

KLABU ya Manchester City imejisogeza karibu na kileleni mwa Ligi Kuu ya England baada ya kuifumua mabao 4-1 Southampton Uwanja wa Etihad jioni hii.

Yaya Toure alifunga bao la kwanza dakika ya tatu kwa penalti, Samir Nasri akafunga la pili la utata dakika ya 45 na sekunde chache baadye dakikahiyo hiyo Edin Dzeko akafunga la tatu kabla ya Jovetic kufunga la nne dakika ya 81 na Lambert akaifungia Saints bao la kufutia machozi dakika ya 37 kwa penalti.

Ushindi huo unaifanya Man City itimize pointi 70 baada ya kucheza mechi 31, ikizidiwa pointi moja tu Liverpool iliyo kileleni ambayo hata hivyo imecheza mechi moja zaidi. Cheslea ina pointi 70 pia, lakini inakaa nafasi ya tatu kwa kuzidiwa wastani wa mabao ya kufunga na kufungwa na City.

+27

Harufu ya ubingwa: Manchester City wamejisogeza kileleni baada ya kushinda 4-1 jioni hii

Saturday, April 05, 2014