%202.png)
.png)
Na Prince Akbar, Dar es Salaam
MSHAMBULIAJI wa TP Mazembe ya Jamhuri ya Kidemokrasia ya Kongo (DRC), Thomas Emmanuel Ulimwengu amewapa pole na pongezi Yanga SC ya Tanzania baada ya kutolewa kwa penalti 4-3 na Al Ahly ya Misri katika Ligi ya Mabingwa Afrika jana mjini Alexandria.
Yanga jana ilifungwa 1-0 baada ya dakika 90 Uwanja wa Border Guard (Haras Hodoud) mjini Alexandria, Misri na kufanya sare ya 1-1, kufuatia wao kushinda pia 1-0 katika mchezo wa kwanza Dar es Salaam, kabla ya kutolewa kwa penalti 4-3.
Na mshambuliaji wa kimataifa wa Tanzania anayechezea klabu ya Lubumbashi amewapa pole Yanga SC kwa kutolewa, lakini amewapongeza kwa mchezo mzuri wa ushindani uliowaweka katika wakati mgumu mabingwa hao wa Afrika.
Akizungumza na BIN ZUBEIRY kutoka Lubumbashi leo, Ulimwengu aliyekaribia kusajiliwa Yanga SC mwaka 2011 akiwa Moro United kabla ya kuamua kwenda Sweden na baadaye Mazembe, alisema soka ya Tanzania sasa imepanda.
Alisema kiwango kilichoonyeshwa na Yanga SC jana ni cha kuridhisha na hiyo ni ishara tosha kwamba Tanzania sasa si vibonde tena. “Miaka ya nyuma ilikuwa sana mechi za nyumbani sare na tukienda kwao tunapigwa nne au tano hadi sita, lakini tuna kila sababu ya kujivunia baada ya matokeo ya jana,”alisema.
Mshindi huyo wa tuzo ya bao bora la mwaka jana katika tuzo za gazeti la Mwanaspoti, alisema inasikitisha Yanga kutolewa baada ya kupigana, lakini akawashauri wakubali matokeo na kujipanga kwa ajili ya michuano ya mwakani wakifuzu.
Huku akiwapa pole Yanga SC kwa kutolewa katika Raundi ya Kwanza, Ulimwengu anayecheza na Mtanzania mwenzake, Mbwana Ally Samatta huko TP Mazembe alikuwa mwenye furaha baada ya klabu yake hiyo kusonga mbele jana kwa kuitoa
Astres Douala ya Cameroon kwa jumla ya mabao 4-1.
Baada ya sare ya 1-1 katika mchezo wa kwanza mjini Douala, Mazembe jana ilishinda 3-0 nyumbani Lubumbashi- shukrani kwao wafungaji wa mabao hayo, Said Coulibaly dakika ya 31, Jonathan Bolingi dakika ya 38 na Given Singuluma dakika ya 50.
MSHAMBULIAJI wa TP Mazembe ya Jamhuri ya Kidemokrasia ya Kongo (DRC), Thomas Emmanuel Ulimwengu amewapa pole na pongezi Yanga SC ya Tanzania baada ya kutolewa kwa penalti 4-3 na Al Ahly ya Misri katika Ligi ya Mabingwa Afrika jana mjini Alexandria.
Yanga jana ilifungwa 1-0 baada ya dakika 90 Uwanja wa Border Guard (Haras Hodoud) mjini Alexandria, Misri na kufanya sare ya 1-1, kufuatia wao kushinda pia 1-0 katika mchezo wa kwanza Dar es Salaam, kabla ya kutolewa kwa penalti 4-3.
 |
| Soka yetu imepanda; Thomas Ulimwengu kushoto amekoshwa na soka ya Yanga SC jana licha ya kutolewa na Al Ahly |
Na mshambuliaji wa kimataifa wa Tanzania anayechezea klabu ya Lubumbashi amewapa pole Yanga SC kwa kutolewa, lakini amewapongeza kwa mchezo mzuri wa ushindani uliowaweka katika wakati mgumu mabingwa hao wa Afrika.
Akizungumza na BIN ZUBEIRY kutoka Lubumbashi leo, Ulimwengu aliyekaribia kusajiliwa Yanga SC mwaka 2011 akiwa Moro United kabla ya kuamua kwenda Sweden na baadaye Mazembe, alisema soka ya Tanzania sasa imepanda.
Alisema kiwango kilichoonyeshwa na Yanga SC jana ni cha kuridhisha na hiyo ni ishara tosha kwamba Tanzania sasa si vibonde tena. “Miaka ya nyuma ilikuwa sana mechi za nyumbani sare na tukienda kwao tunapigwa nne au tano hadi sita, lakini tuna kila sababu ya kujivunia baada ya matokeo ya jana,”alisema.
Mshindi huyo wa tuzo ya bao bora la mwaka jana katika tuzo za gazeti la Mwanaspoti, alisema inasikitisha Yanga kutolewa baada ya kupigana, lakini akawashauri wakubali matokeo na kujipanga kwa ajili ya michuano ya mwakani wakifuzu.
Huku akiwapa pole Yanga SC kwa kutolewa katika Raundi ya Kwanza, Ulimwengu anayecheza na Mtanzania mwenzake, Mbwana Ally Samatta huko TP Mazembe alikuwa mwenye furaha baada ya klabu yake hiyo kusonga mbele jana kwa kuitoa
Astres Douala ya Cameroon kwa jumla ya mabao 4-1.
Baada ya sare ya 1-1 katika mchezo wa kwanza mjini Douala, Mazembe jana ilishinda 3-0 nyumbani Lubumbashi- shukrani kwao wafungaji wa mabao hayo, Said Coulibaly dakika ya 31, Jonathan Bolingi dakika ya 38 na Given Singuluma dakika ya 50.
0 comments:
Post a Comment