RONALDO NI MTU WA AJABU, AWEKA REKODI NYINGINE REAL IKIENDELEZA UBABE LA LIGA

WINGA Gareth Bale alisema katikati ya wiki namna anavyofurahia kucheza sambamba na Cristiano Ronaldo na jana imedhihirika tena hiyo wakati Real Madrid ikiifunga bao 1-0 Malaga katika La Liga. 

Bale sasa ametoa pasi 11 za mabao Hispania msimu huu kitu ambacho Cesc Fabregas pekee ameweza kufanya kwa wachezaji wenzake na pasi yake ya mita 30 kwa Ronaldo ilimsaidia Mreno huyo kuifungia bao pekee la ushindi Rea, katika mchezo mgumu wa ugenini dhidi ya Malaga.

Hilo lilikuwa bao la 25 kwa Ronaldo msimu huu na kuwa mchezaji wa kwanza daima kufikisha mabao 25 au zaidi katika misimu mitano – kwani Mwanasoka huyo Bora wa Dunia amefanya hivyo pia katika misimu yake iliyotangulia Madrid. Real imezidi 'kujititia' kileleni kwa kufikisha pointi 70 baada ya mechi 28, ikifuatiwa na Atletico Madrid pointi 67 mechi 28 pial, wakati Barcelona ni ya tatu kwa pointi zake 63 baada ya mechi 27. 

Mshindi: Cristiano Ronaldo akishangilia baada ya kufunga bao peke la ushindi dhidi ya Malaga jana

Sunday, March 16, 2014