RONALDO APIGA MBILI URENO IKIIKUNG'UTA MKONO CAMEROON...SASA NDIYE MKALI WA MABAO MILELE URENO

MWANASOKA bora wa dunia, Cristiano Ronaldo jana ameifungia mabao mawili Ureno ikiitandika 5-1 Cameroon katika mchezo wa kirafiki na kuwa mchezaji aliyeifungia mabao mengi zaidi Ureno kihistoria.

Ronaldo sasa amefikisha jumla ya 49 aliyoifungia Ureno, mawili zaidi ya Pauleta aliyekuwa anaongoza.

"Sina wasiwasi wa kuvunja rekodi, ni vitu ambavyo vinakuja vyenyewe, kwa baraka tele", alisema mchezaji huyo mwenye umri wa miaka 29 akihojiwa na Televisheni ya RTP.

Cameroon ilimaliza dakika 45 za kipindi cha kwanza ikiwa imefungana bao 1-1 na Ureno, lakini kipindi cha pili ikabugizwa nne ndani ya dakika 18.

Ronaldo alianza kufunga dakika ya 21, Aboubakar akaisawazishia Cameroon dakika ya 43 na kipindi cha pili Meireles akaifungia Ureno dakika ya 66, akifuatiwa na Coentrao dakika ya 67, Edinho dakika ya 77 na Cristiano tena dakika ya 83.

+16