MOURINHO AAMUA KUMUUZA LUKAKU LAKINI SI KWA WAPINZANI WAKE ENGLAND, APAMBANA NA KUWANASA DIEGO COSTA NA FALCAO

KLABU ya Chelsea itamuuza Romelu Lukaku mwishoni mwa msimu.

Licha ya mafanikio ya Lukaku akiwa kwa mkopo Everton msimu huu ukiwa ni mwendelezo wa mafanikio yake alipokuwa West Bromwich Albion, Jose Mourinho hataki kumpa Mkataba mpya mwanasoka huyo wa kimataifa wa Ubelgiji.

Mourinho hataki kukiri alifanya makosa kwa kumtoa kwa mkopo Lukaku msimu huu.

+20

Anaondoka: Romelu Lukaku kwa sasa anaichezea Everton kwa mkopo, lakini atawekwa sokoni na kocha wa Chelsea, Jose Mourinho

+20

Mambo matatu hunifai: Mourinho anataka kumuuza Lukaku mwishoni mwa msimu

Inaonekana mchezaji huyo mwenye umri wa miaka 20 ameshindwa kabisa kumvutia Mourinho licha ya ukweli kwamba ni mfungaji mzuri na anafanya vizuri katika Ligi Kuu ya England.

Mourinho anataka kusajili mchezaji wa kiwango cha dunia na washambuliaji wa Atletico Madrid, Diego Costa na Radamel Falcao wa Monaco ndio wanaomtoa udenda zaidi kocha huyo Mreno.

+20

Mlengwa mkuu: Diego Costa anatakiwa na Jose Mourinho kuimarisha safu ya ushambuliaji ya Chelsea

+20

Uhamisho wa bei mbaya: Radamel Falcao, ambaye kwa sasa yuko nje kwa maumivu ya goti, pia anatakiwa na Chelsea

Pamoja na kutomchukulia Lukaku kama mshambuliaji babu kubwa, lakini Mourinho hatakuwa tayari kumuuza mchezaji huyo kwa klabu wapinzani England akihofia mchezaji huyo kumgeukia na kumuadhibu.

Lukaku anaweza kulazimishwa kuhamia Hispania - na Atletico Madrid wapo kwenye nafasi nzuri ya kumnasa, lakini pia anaweza kwenda Ujerumani kujiunga na Borussia Dortmund.

Sunday, March 16, 2014