DIEGO COSTA NI MTU HATARI, AIFUNGIA MBILI ATLETICO IKIITANDIKA 4-1 AC MILAN

AC MILAN imeungana na Arsenal kuipa mkono wa kwaheri michuano ya Ligi ya Mabingwa Ulaya baada ya kutandikwa mabao 4-1 na Atletico Madrid usiku huu Uwanja wa Vicente Calderon katika mchezo wa marudiano Hatua ya 16 Bora.

Milan sasa inaaga kwa kipigo cha jumla cha 5-1, baada ya awali kufungwa 1-0 nyumbani. Diego Costa alitangulia kuifungia Atletico dakika ya tatu pasi ya Koke, kabla ya Ricardo Kaka kuisawazishia Milan dakika ya 27 pasi ya Poli.

Milan ikatepeta na kuongezwa mabao matatu wafungaji Turan dakika ya 40, pasi ya Raul Garcia, aliyefunga la tatu dakika ya 71 kwa pasi ya Gabi na Diego Costa akakamilisha safari ya Atletico kuelekea Nane Bora ya Ligi ya Mabingwa kwa bao zuri dakika ya 85 pasi ya Sosa.

+16

Akrobatiki: Diego Costa akifunga kwa umahiri mkubwa kuipa Atletico Madrid tiketi ya Robo Fainali Ligi ya Mabingwa Ulaya

+16

Costa pia ndiye aliyefunga bao pekee la Atletico katika mchezo wa kwanza na AC Milan Uwanja wa San Siro mwezi uliopita

Wednesday, March 12, 2014