BAYERN MUNICH NI BALAA JAMANI HII TIMU, INAYOYAFANYA BUNDESLIGA WE ACHA TU!

WINGA Arjen Robben amefunga mabao matatu peke yake katika ushindi wa Bayern Munich wa 5-1 dhidi ya Schalke usiku wa jana kuendelea kuongoza Bundesliga kwa pointi 20 zaidi - ambayo ni rekodi baada ya mechi 23. 

David Alaba alifunga bao la kwanza dakika ya tatu kwa shuti la mpira wa adhabu lililobabatiza, wakati Robben alifunga bao lake la kwanza dakika ya 15, kabla ya Mario Mandzukic kufunga kwa kichwa na kufanya 3-0 dakika ya 24.

Winga Mholanzi Robben akafunga tena dakika ya 28 kwa shuti zuri kabla ya kufunga lingine kwa penalti dakika ya 77, wakati bao la kufutia machozi la Schalke lilifungwa na Rafinha aliyejifunga dakika ya 64. 

+8

Asanteni kwa kuja! Arjen Robben amefunga hat-trick Bayern Munich ikiichapa 5-1 Schalke jana

+8

Kiulaini namna hii! Kocha Pep Guardiola alikuwa mwenye furaha jana

Sunday, March 02, 2014