ARSENAL YALAMBWA KIDUDE NA STOKE, UBINGWA SASA LABDA!

MATUMAINI ya Arsenal kutwaa ubingwa wa Ligi Kuu ya England yamezidi kufifia baada ya jioni hii kuchapwa 1-0 na Stoke City, bao pekee la Jon Walters kwa penalti kipindi cha pili.

Walters alikwenda kuukwamisha nyavuni mkwaju huo dakika ya 76 baada ya Laurent Koscielny wa Arsenal kuunawa mpira kwenye eneo la hatari.

Matokeo hayo na ushindi wa Chelsea dhidi ya Fulham, inamaanisha Arsenal walio nafasi ya pili kwenye msimamo wa ligi, sasa wanazidiwa pointi nne na The Blues huku zikiwa zimebaki mechi 10 kukamilisha msimu.

Wakati huo huo, Manchester City walio nafasi ya tatu wanazidiwa pointi mbili na Arsenal na wana mechi mbili mkononi.

Furaha: Jonathan Walters akishangilia na Peter Crouch baada ya kufunga penalti iliyoipa Stoke ushindi wa 1-0

Miguu 12 ya mtu mzima: Walters akimpoteza maboya kipa wa Arsenal Szczesny 

Hoi: Wachezaji wa Arsenal baada ya kufungwa

Saturday, March 01, 2014