MAN GUNDU YA MOYES YACHAPWA TENA NA MATA WAO

MABAO mawili ya Charlie Adam yameipa Stoke City ushindi wa kwanza kabisa kihistoria dhidi ya Manchester United katika mchezo wa Ligi Kuu ya England Uwanja wa Britannia.

Adam alifunga mabao hayo dakika ya 38 na 52, wakati bao pekee la United lililofungwa dakika ya 47 na Robin van Persie.

Kiungo mpya wa United, Juan Mata alicheza kwa dakika zote 90 na hakuweza kuwaepusha Mashetani hao Wekundu na kipigo. United sasa inabaki na pointi 40 baada ya kucheza mechi 24 na inaporomoka hadi nafasi ya saba kutoka ya sita.

+20

Raha ya ushindi: Charlie Adam (katikati) akishangilia na Mark Hughes baada ya kufunga mabao mawili yaliyoifanya Stoke imalize ukame wa ushindi ndani ya mechi sita

+20

Mikosi: Kocha David Moyes ameendelea kuwa katika wakati mgumu Man United

Saturday, February 01, 2014