ESSIEN AHAMIA AC MILAN, CHELSEA ROHO KWATUUUU

KLABU ya Chelsea imefikia makubaliano ya kumuuza kiungo Michael Essien kwa AC Milan, timu hiyo ya Ligi Kuu ya England imetangaza.

Mchezaji huyo mwenye umri wa miaka 31 amejikuta anakosa namba kikosi cha kwanza Stamford Bridge tangu arejee Real Madrid alikokuwa anacheza kwa mkopo msimu uliopita na amepewa ruhusa na kocha Jose Mourinho kuondoka.

Taarifa ya Chelsea jana usiku imesema kwamba tayari wamefikia makubalkiano na Milan juu ya mwanasoka huyo wa kimataifa wa Ghana.

Tabasamu tupu: Michael Essien anajiandaa kusaini AC Milan baada ya miaka tisa ya kuitumikia Chelsea

Mtu maarufu amewasili: Essien akimsainia shabiki wa AC Milan

Saturday, January 25, 2014