BALOTELLI AIFUNGIA MILAN LA KWANZA...LAKINI MWISHOWE YALALA 2- NA KUTOLEWA COPA ITALIA

TIMU ya Udinese imetoka nyuma kwa bao 1-0 na kushinda 2-1 mbele ya AC Milan kwenye Uwanja wa San Siro na kutinga Nusu Fainali ya Kombe la Italia, maarufu kama Copa Italia.
Mshambuliaji wa zamani wa Manchester City, Mario Balotelli alimpa mwanzo mzuri kocha Clarence Seedorf kwa kufunga bao la kuongoza dakika ya sita tu, lakini Udinese ikasawazisha kwa penalti ya mshambuliaji wa Colombia, Luis Muriel baada ya Urby Emanuelson kuchezewa rafu na beki wa kulia, Silvan Widmer.
Wageni waliifungisha virago Milan kwa bao la mchezaji aliyetokea benchi Nicolas Lopez, aliyefunga dakika ya 75.

Halikuwa na faida; Balotelli akipongezwa na wenzake baada ya kuifungia AC Milan bao la kuongoza usiku huu 

Mshindi wa mechi: Mchezaji wa Udinese, Nicolas Lopez akishangilia baada yakuifungia timu yake dhidi ya AC Milan

Lopez akiifungia Udinese bao la ushindi dhidi ya AC Milan katika Robo Fainali ya Copa Italia

Balotelli akiifungia AC Milan bao la kuongoza dhidi ya Udinese

Oyaaa, mnazinguaa: Kocha wa AC Milan, Clarence Seedorf akisema na wachezaji, timu yake ikilala 2-1 kwa Udinese

Usiku mbaya: Balotelli akisikitika baada ya kupoteza nafasi ya kufunga dhidi ya Uwanja wa San Siro

Thursday, January 23, 2014