%202.png)
.png)
KOCHA Jurgen Klopp bado anataka kumrejesha Shinji Kagawa Borussia Dortmund, lakini hawakubalia Manchester United kuimarisha safu yao ya ulinzi kwa kuwapa Neven Subotic kama sehemu ya dili hilo.
Kagawa amekuwa katika wakati mgumu hivi karibuni United chini ya kocha mpya, David Moyes kiasi cha kutolewa kurejea klabu yake ya zamani katika dili la kubadilishana wachezaji na Subotic.
Lakini wazo hilo limepigwa chini na Klopp, ambaye amesema hayuko tayari kumruhusu beki wake Mseriba pacha wa Mats Hummels kwenda kwa Moyes.
Anarudi: Kocha wa zamani wa Shinji Kagawa, Jurgen Klopp yuko tayari kumrejesha nyota huyo wa Japan kutoka Manchester United
Wakati Sir Alex Ferguson alipohudhuria fainali ya Kombe la Ujerumani kiasi cha miezi 18 iliyopita, iliandikwa alikuwa ana mpango wa kuwasajili Kagawa, Robert Lewandowski na Hummels.
Kocha huyo wa zamani wa United alifanikiwa kumpata mmoja tu kati ya wachezaji hao, akiambiwa Hummels haendi kokote na Lewandowski anataka kwenda Bayern Munich.
Baada ya kuirithi timu hiyo kutoka kwa Ferguson msimu huu, Moyes akaweka wazi hamchukulii Kagawa kama mchezaji maalum wa kikosi cha kwanza baada ya kumuacha benchi kabla ya kumuingiza baada ya mapumziko, kufuatia kuanza vibaya dhidi ya West Brom.
Walengwa: David Moyes anamtaka beki wa Borussia Dortmund, Neven Subotic (kushoto) kama sehemu ya dili la kumtoa Kagawa, lakini kocha Klopp (chini) amekataa kumtoa mlinzi huyo wa kimataifa wa Serbia
Mambo magumu: Kagawa (kulia) amepagawa kwa kukosa nafasi kikosi cha kwanza chini ya kocha mpya, Moyes
0 comments:
Post a Comment