%202.png)
.png)
GWIJI wa Arsenal, Dennis Bergkamp ameelezea nia yake ya kujiunga na dawati la makocha la timu ya Arsene Wenger.
Mkongwe huyo mwenye umri wa miaka 44 alunga mabao 87 katika miaka yake 11 ya kuchezea Arsenal na amesema klabu hiyo ina nafasi maalum moyoni mwake.
Robert Pires amekuwa akisaidia kuendesha mazoezi katika Uwanja wa Gunners, London Colney na Bergkamp, ambaye aliichezea timu hiyo kuanzia mwaka 1995 hadi2006, anaweza kuungana naye.
Mholanzi hatari: Dennis Bergkamp akishangilia kuifungia Arsenal dhidi ya Blackburn Rovers mwaka 2002
Karibu tena: Mshambuliaji wa zamani wa Arsenal, Robert Pires hivi karibuni amerejea The Gunners kusaidia kuongoza mazoezi
"Hisia alizonazo Johan Cruyff kwa Barcelona, nami ninazo hizo hizo kwa Arsenal," Bergkamp aliiambia Telegraph.
"Nikiwa Arsenal ilikuwa babu kubwa. Wakati wote nafurahia. Sijawahi kuwa na siku mbaya humo. Ipo katika fikra zangu wakati wote. Ni sehemu ya malengo yangu kurejea huko.
"Naona kama naweza kuwa sehemu ya makocha. Nafurahia hiyo kazi, hususan kufundisha vitu binafasi kwa washambuliaji,".
Bergkamp alijipatia sifa kutokana na uwezo wake mkubwa wa kucheza soka, ubunifu na maarifa ya kisoka alipokuwa Arsenal.
Timu la kukumbukwa: Sol Campbell, Freddie Ljungberg, Thierry Henry, Dennis Bergkamp na Robert Pires wakiwa mazoezini mwaka 2004
Mkali kweli: Dennis Bergkamp akiwa na taji la Ligi Kuu ya England mwaka 2004
Mchezaji mpya ghali wa Arsenal, Mesut Ozil amekuwa akifananishwa na Mholanzi huyo, lakini mchezaji huyo wa zamani wa Uholanzi amesema kila mchezaji ni wa kipekee.
Sasa akiwa kocha Msaidizi wa Ajax, Bergkamp amevutiwa na mwanzo mzuri wa Arsenal msimu huu na kusema Ozil ni kipaji maalum.
"Pamoja na heshima zangu zote kwa wachezaji wengine wote wa Arsenal, nafikiri ni mmoja ambaye anaweza kutengeneza tofauti,"alisema.
"Wachezaji wengine ni wazuri katika kiungo. Lakini unahitaji mtu mmoja fulani wa kiwango cha juu ambaye anaweza kuhaha Uwanja mzima,".
Mchezaji mpya: Mchezaji mpya ghali wa Arsenal, Mesut Ozil anwakumbusha mashabiki wa timu hiyo enzi za Dennis Bergkamp
Wakali watupu: Wachezaji wa Arsenal, Thierry Henry na Dennis Bergkamp wakishangilia bao dhidi ya Everton mwaka 2004
0 comments:
Post a Comment