MESSI AJIBU HAT TRICK YA RONALDO, BARCA IKIITANDIKA 4-0 AJAX, MUNTARI AIFUNGIA AC MILAN IKIICHAPA CELTIC 2-0

IMEWEKWA SEPTEMBA 19, 2013 SAA 7:14 USIKU
AMEJIBU; Lionel Messi amejibu mapigo ya mpinzani wake, Cristiano Ronaldo wa Real Madrid baada ya kuifungia hat-trick Barcelona katika ushindi wa 4-0 dhidi ya Ajax katika mchezo wa Kundi H Ligi ya Mabingwa Ulaya, Uwanja wa Nou Camp.

Muargentina huyo pamoja na kufunga mabao matatu peke yake usiku, pia alitengeneza bao la nne lililofungwa na Gerard Pique.

Haikuwa bahati yao, Ajax kwani walikosa hadi penalti baada ya kipa Victor Valdes kuokoa mkwaju wa Kolbeinn Sigthorsson.
Messi alifunga mabao yake katika dakika za 22, 55 na 75, wakati Pique alifunga dakika ya 69.
Kikosi cha Barcelona kilikuwa: Valdes, Alves, Pique/Bartra dk80, Mascherano, Adriano, Busquets, Fabregas/Xavi dk72, Iniesta, Sanchez, Messi, Neymar /Pedro dk72.
Ajax: Vermeer, van Rhijn, Denswil, Moisander/van der Hoorn dk73, Blind/Schone dk78, Poulsen, de Jong/Serero dk59, Duarte, Bojan, Sigthorsson na Boilesen.

Mkwaju: Messi alifunga bao la kwanza kwa shuti la mbali la mpira wa adhabu

La pili: Messi akifunga bao lake la pili

Kiulaini: Messi akimtoka beki Stefano Denswil

Tabasamu: Messi akishangilia na beki wake, Dani Alves

Sergio Busquets akidhibiti mpira katikati ya wachezaji wa Ajax, Siem de Jong (kushoto) na Lerin Duarte

Anakosa: Kolbeinn Sigthorsson alikosa penalti iliyochezwa na kipa Victor Valdes

Alexis Sanchez akimvaa Daley Blind wa Ajax Uwanja wa the Camp Nou

Beki wa Barcelona, Adriano akimdhibiti Ricardo van Rhijn wa Ajax

Pique akienda hewani kuifungia Barcelona bao la tatu

Hasira: Neymar aking'aka baada ya kupoteza nafasi ya kufunga

Marafiki wa zamani: Javier Mascherano akichuana na Bojan Krkic anayecheza kwa mkopo

Wako vizuri: Barca wakishangilia ushindi wao Camp Nou

Katika mchezo mwingine wa kundi hilo, AC Milan iliichapa Celtic 2-0 Uwanja wa San Siro, mabao ya Zapata dakika ya 82 na Muntari dakika ya 85.

Kikosi cha AC Milan kilikuwa: Abbiati, Zaccardo, Zapata, Mexes, Constant/Robinho dk76, Nocerino, De Jong, Muntari, Birsa/Emanuelson dk64, Matri/Poli dk87 na Balotelli.

Celtic: Forster, Lustig, Van Dijk, Ambrose, Izaguirre, Matthews/Boerrigter dk75, Brown, Mulgrew/Biton dk89, Samaras, Commons/Pukki dk77 na Stokes.

Christian Zapata akitimka kushangilia baada ya kuifungia bao la kwanza AC Milan dhidi ya Celtic

Mwafrika hatari: Sulley Muntari wa Milan akishangilia baada ya kufunga bao la pili zikiwa zimebaki dakika tano

Phillipe Mexes akimrukia Cristian Zapata baada ya Mcolombia kufunga

Ukuta mgumu: Wachezaji wa AC Milan wakiwa wameweka ukutawakati beki wa kati wa Celtic, Charlie Mulgrew akipiga mpira wa adhabu

Thursday, September 19, 2013